මේ දවස් වල අපේ රටේ ප්‍රධානම මාතෘකාව එහෙමත් නැත්නම් උණුසුම් කතා බහ බවට පත් වෙලා තියෙන්නෙ පිත්තෙන් පන්දුවෙන් දස්කම් දක්වන අපේ රටේ ක්‍රිකට් කණ්ඩායම ගැනයි. පකිස්තානය සමග පැවැත්වුණු එක්දින තරගයෙන් තියුණු ජයක් ලැබීමෙන් පසුව අවසන් මහා තරගයට සුදුසුකම් ලබපු ශ්‍රී ලංකාව ආසියානු කුසලාන තරගාවලියකට සුදුසුකම් ලැබුවේ 12 වෙනි වතාවටයි. ශ්‍රී ලංකාව ලබා ගත් මේ අභියොගාත්මක ජයත් සමගම ඉන්දියාව සහ ශ්‍රී ලංකාව අතර පැවැත්වෙන ආසියානු කුසලාන අවසාන තරගය හෙට දිනයේ පැවැත්වීමට නියමිතව තිබෙනවා.
ශ්‍රී ලංකා සංචිතයේ සිටින ප්‍රබල ක්‍රීඩකයන් කිහිප දෙනෙකුම ආබාධ තත්වයන් වලට ලක් වී තරග කිරීමට නුසුදුසු තත්වයට පත් වීම නිසා ශ්‍රී ලංකාවේ ක්‍රිකට් ප්‍රේක්ෂකයන් ආසියානු කුසලානය ගැන තරමක් සෘණාත්මක අදහස් පසුගිය දවස් කිහිපය පුරාම පළ කලා. නමුත් එම අනාවැකි සියල්ලම අසත්‍යයක් බවට පත් කරමින් ප්‍රේක්ෂකයන් අමන්දානන්දයට පත් කරන දක්ෂතා දක්වන්නට ශ්‍රී ලංකා ක්‍රීඩකයන් පසුගිය තරගාවලිය පුරාම සමත් වුනා.
Trends is an amazing magazine Blogger theme that is easy to customize and change to fit your needs.
No comments
Post a Comment