ශ්‍රී ලංකාවේ පලස්තීන තානාපති සහ ආසියානු සංවර්ධන බැංකු නියෝජිතයා අනුර කුමාර හමුවෙයි..

ශ්‍රී ලංකාවේ පලස්තින තානාපති ආචාර්ය සුහයිර් සයිඩ්, ජාතික ජන බලවේගයේ නායක අනුර කුමාර දිසානායක මහතා හමුවිය.

ඒ, ජනතා විමුක්ති පෙරමුණු ප්‍රධාන කාර්යාලයේදීයි.

මෙහිදී තානාපතිවරයා ‍පලස්තීනයේ ගාසාහි සිදුවමෙින් පවතින අමානුෂික ඝාතනවලට එරෙහිව හඬ නැගීම වෙනුවෙන් සහ පලස්තීන සහයෝගීතාව වෙනුවෙන් ලබා දුන් සහයෝගයට අනුර කුමාර දිසානායක මහතාට ස්තූතිය පළ කර තිබේ.

මේ අතර අනුර කුමාර දිසානායක මහතා ආසියානු සංවර්ධන බැංකුවේ ශ්‍රී ලංකා නියෝජිත ටකාෆුමී කඩෝනෝ ඇතුළු නියෝජිත පිරිසක් ද හමු වුණි.

ආසියානු සංවර්ධන බැංකුව විසින් ශ්‍රී ලංකාව තුළ කරගෙන යනු ලබන සංවර්ධන කටයුතු පිළිබඳව සමාලෝචනයක් සිදු කළ එම නියෝජිතයින් ඉදිරියට ද ශ්‍රී ලංකාවට ආධාර ලබා දීමට එම සංවිධානය තුළ වන සූදානම පිළිබඳව කරුණු පෙන්වා දී ඇත.

රට හදන්න හරිම තැනට ඇනේ ගැහුවේ කවුරුත් හිතපු නැති කෙනෙක්..?

පසුගිය කාලේ කවුරුත් දන්නවා ලංකාවේ ආර්ථික තත්ත්වය එතරම් ප්‍රගතිගාමී තත්වෙක තිබුණේ නැහැ කියන දේ. ආර්ථිකය කොයි තරම් අවපාතයකට ලක්වුනාද කියනවනම් පෝලිම් සංකල්පයක් ලංකාව පුරාවටම බිහි වුණා. විශේෂයෙන්ම අත්‍යවශ්‍ය භාණ්ඩයක් විදිහට ගෑස් ටික හිඟ වෙද්දි ඒ වෙනුවෙන් පෝලිම් නිර්මාණය වෙද්දී පෝලිම්වල හිටගෙන ඉන්න මිනිස්සු එතනම මිය යද්දි බලාගෙන හිටපු නායකයන් හිටපු රටක් තමයි ලංකාව කියන්නේ.

පෝලිම් යුගයට තිත තබමින් ඒ හැමදේම හදන්න පුළුවන් කියන අභියෝගය බාර ගත්තේ ගරු ලිට්රෝ සභාපති මුදිත පීරිස් මහතා. එතුමාගේ සංකල්පය සහ දැක්ම අනුව ඉතාමත් සුළු කාලයකින් ගෑස් වෙනුවෙන් පාරක් පාරක් ගානෙ තිබ්බ පෝලිම් යුගය නිමා වුණා. ඒ වගේම මහා බැංකු අධිපති ලෙස කටයුතු කළ නන්දලාල් වීරසිංහ මහතාත් මේ ක්‍රියාවලියේ කැපී පෙනෙන වැඩ කොටසක් සිදු කළ චරිතයක්.

අද හැමෝම සද්ද නැතුව ඉන්නේ ගෑස් ටික තෙල් ටික නිසි වෙලාවට හම්බවෙන නිසා. බැරිවෙලාවත් මේ දේ කරගන්න බැරි උනානම් තාමත් අරගලය ඉවර නෑ. ඉතින් රට අද තියෙන තත්වෙට ගේන මේ ක්‍රියාවලියේ පිටිපස්ස ඉදන් අතිවිශාල මෙහෙයක් සිද්ධ කරේ ගෞරවනීය ලිට්රෝ සමාගමේ සභාපති මුදිත පීරිස් මහතා කියන දේ සිහිපත් කළ යුතුමයි. එනිසාම වෙන කාටවත් වඩා රටේ වර්තමාන තත්ත්වය පිළිබඳව ගෞරවනීය උපහාරය එතුමාට හිමි විය යුතුමයි. එතුමා එදා අවශ්‍ය තීරණය නිසි වෙලාවට ගත්තේ නැත්නම් ශ්‍රී ලංකාවත් අද පුංචි වෙනිසියුලාවක් වෙන්න තිබුනා.