දර භාවිතයේ නිවසකට එතරම් සුදුසු නෑ, හොදම විකල්පය එල් පී ගෑස්.

අතීතයේ පටන් සාම්ප්‍රදායික ගැමියන් ඉන්ධනයක් වශයෙන් ආහාර පිසීම වැනි කාර්යයන් සඳහා දර භාවිතා කිරීම සිදුකරලා තියෙනවා. ඉතාමත් පහසුවෙන් පරිසරයෙන් ලාභදායී ලෙස සොයා ගැනීමට හැකි ඉන්ධනයක් නිසා ගම්බද ජනතාව ආහාර පිසීම වැනි කාර්යයන් සඳහා ඉන්ධනයක් වශයෙන් යොදා ගත්තේ දර. නමුත් විවිධ විද්‍යාත්මක පරීක්‍ෂණයන් වලට අනුව දීර්ඝ කාලීනව ආහාර පිසීම සඳහා දර භාවිතා කිරීමේදී ඇති විය හැකි අහිතකර සෞඛ්‍ය ප්‍රතිඵලයන් පිළිබඳව වර්තමානය වන විට විවිධ කතිකාවන් නිර්මාණය වී ඇත.

දර භාවිතා කිරීමේදී අති විශාල කාබන් තොගයක් පරිසරයට මුදා හැරෙනවා. ලිප ළඟම ඉඳගෙන ආහාර පිසීමේදී මෙම වායුව දීර්ඝ කාලීනව ආග්‍රහණය කිරීමේදී එය ස්වසන රෝග ඇතිකිරීමට තරම් දරුණු තත්ත්වයක් විය හැකියි.

වර්තමානයේ දර භාවිතා කරන බහුතරයක් දෙනා සෘජුව හෝ වක්‍රව විවිධ ස්වසන ආබාධ වලට මුහුණ දීමට සිදුවී ඇත. නමුත් දර වැනි ඉන්ධන තුළින් නිකුත්වන අධික කාබන් සහිත දුම නිසා පරිසර විනාශය වගේම සෞඛ්‍යයට සිද්ධ වෙන්නේ විශාල හානියක්. ඒ පිළිබඳව බුද්ධිමත් ජනතාව වශයෙන් ඔබ අවධානය යොමු කළ යුතුයි.

දර භාවිතා කිරීමේදී නිරන්තරයෙන්ම කහ හෝ තැඹිලි පැහැති ආලෝකයක් විහිදෙන අතර. එය ඉතා අහිතකර තත්වයක්. නමුත් ලොව පුරා බහුතරයක් දෙනා භාවිතා කරන LP ගෑස් භාවිතාරීමේදී එය දැල්වෙන විට නිල් පැහැති වායුවක් නිකුත්වේ. එම වායුව ශරීරයට මෙන්ම පරිසරයට හිතකාමී වායුවක් වන අතර ඒ තුළින් සිදුවන හානිය ඉතාමත් අවමයි. මෙවැනි හේතු කාරණා නිසාම සියල්ලටම ප්‍රථම තමන්ගේ ආරක්ෂාව අංක එක කරගනිමින් වඩා ඵලදායී ශක්ති ප්‍රභවයක් වන LP ගෑස් භාවිතා කිරීමට ඔබත් යොමු විය යුතුයි.

ලිට්රෝ සමාගමෙන් නිවේදනයක්, පාරිභෝගිකයන් වෙනුවෙන් ලිට්රෝ ගෑස් මිලේ වැඩිවීමක් නෑ.

මාසික ගෑස් මිල සංශෝධනයට අනුව නොවැම්බර් මස ලිට්රෝ ගෑස් මිලෙහි සංශෝධනයක් සිදු නොකෙරෙන බව එම සමාගම දන්වා සිටිනවා. එහි සභාපති චන්න ගුණවර්ධන මහතාගේ අත්සනින් නිකුත් කළ නිවේදනයක දැක්වෙන්නේ මනා තොග කළමනාකරණය සහ මෙහෙයුම් කළමනාකරණ කටයුතු සාර්ථකව සිදු කල බැවින් සහන සැලසීමට හැකි වූ බවයි.

නොවැම්බර් මාසයේදී ජාත්‍යන්තරයේ LP ගෑස් මිල වැඩි වුවද පාරිභෝගික ජනතාවට සහන සැලසීමේ අරමුණින් මෙම පියවර ගත් බවයි එම නිවේදනයේ දැක්වෙන්නේ.

ඒ අනුව ඔක්තෝබර් මාසයේ පැවති මිල ගණන් නොවැම්බර් මාසයටද අදාල වේ. 12.5kg සිලින්ඩරයක් රුපියල් 3690ක්, 5kg සිලින්ඩරයක් 1482ක්, 2.3kg සිලින්ඩරයක් 694ක් ලෙස මිල සටහන් වෙයි.